食奶不在洗手間

媽媽尋日同我上完Play Gym之後就帶我去中環遮打花園，做乜？咪就係為我地自己爭取權益囉！

我地去簽名及集會希望可以立法規定公眾場所必須設置育嬰室，呢次係我第一次出席社會運動。我班friends，包括Larry, Aidan, Jasmine, 沙沙都有同媽咪爹地去支持，同場仲見到其他EE添！

我咁大個仔都未試過響廁格食奶，因為媽咪塊面皮幾尺厚，一Ｄ都唔介意同我大庭廣眾野餐。梗係啦，食野之嘛，點解要咁避忌呢？

不過，其實我試過兩次響酒店洗手間入面個化粧位食奶，因為果兩次都係去飲，出面太多誘引，媽媽費事我分心，咪帶我入化粧間食奶囉！