踩單車@深井

對住青馬橋踩單車同吹波波,正!^^

睇PONYO

同大契媽一齊去睇PONYO,睇之前一定要影張相先,話晒我都係第一次去戲院!




我覺得PONYO好好睇,我成套戲都坐定定望住個螢光幕同埋食爆谷,散場前仲去同未完全變成人仔的PONYO影左張合照添! ^^

生日會@大學

1月15日生日當日,爸爸媽媽請了假陪我,但我地無乜特別慶祝,媽媽仲趁放假訓左幾個鐘頭覺添!之後我地就返去大學,因為媽媽的同事哥哥姐姐話同我切蛋糕呀!佢地買左個天使蛋糕俾我切,仲俾我響會議室吹蠟燭,好開心又好好食呀!

契媽的禮物

大細契媽都送我好鍾意的禮物,有THOMAS TRAIN SET啦,有ANPANMAN扭蛋機,愛不釋手! ^^
多謝晒!

崖の上のポニョ

媽媽今朝上網買左飛睇崖上的波兒(崖の上のポニョ)啦,1月17日下午六點,同大契媽一齊睇添.

不過原來日語版得百老匯電影中心有得睇,到時應該撞到好多同鄉啦! ^^

踩單車短片

媽媽打橫左個電話黎錄,麻煩各位側住個頭黎睇!

1月3日 - 理大遇HAPPY

因為媽媽工作關係,今朝就請了HAPPY黎做廣告的模特兒,媽媽都帶埋我黎,我一見到HAPPY就好興奮,雖然佢仲大件頭過我,但我知佢係一隻好馴的狗仔,所以好鍾意同佢玩.

1月2日-廸士尼

爸爸當日放假,媽媽亦請了下午的假陪我到廸士尼玩,因為當日係飄雪的最後一天了.我要爸爸媽媽陪我坐轉轉杯,排了半個鐘,又要佢地同我玩小飛象,排了九個字,時間就咁無晒了!

1月1日 - 中大遊

我同媽咪被迫睇紅白,所以12月31日好早就被悶到睡了,1月1日起床後,我們一家便動身到中大過元旦.

於大學賓館吃過午餐後,我們便到聯合書院石地踩單車,當時有許多小朋友,我亦和他們一起玩.到中大踩單車,似乎是一個中大校友很喜歡的家庭節目呢!