餵奶cushion

媽媽拜讀小C媽媽阿四的部落文章（別了，my breast friend)，即刻拿起相機替我的開飯龍椅拍下相片。

呢個cushion載著好多好多我同媽媽的回憶，好有紀念價值的...

話說媽媽響我未出世時巳經買了一個餵奶枕，但點知原來太厚太硬，剛剛出世的我訓得唔舒服，所以爸爸即刻在網上由日本訂了這個cushion，送到爺爺屋企，再由爺爺嬤嬤響我三星期大時hand carry帶來香港，真係山長水遠。

之後我同呢個枕枕朝夕共對，但好景不常，我體型日漸龐大，如果我訓響枕枕上面，媽媽一邊餵奶時又要一邊泵奶時就好難就位，所以開始有點疏遠。但因為我真係重得好緊要，媽媽如果要舉住我二三十分鐘食奶的話，雙手應該好快會殘廢，所以當不用泵奶時，我同枕枕又走在一起。

枕枕上面應該無屎屎，但就充滿左汗水，口水，同奶水，最重要的是，充滿左媽媽對我的愛。

我是全人奶BB，巳經八個多月了，而且在繼續中。多謝枕枕陪伴我左右，陪伴我成長。