1月15日ＢＢ？

呢排媽咪帶我去胡醫生度檢查時，照出黎的超音波相都好難睇得明，事關本少爺巳經長得十分大過，果個小小的scanner巳經影唔晒我，所以媽咪都無post果幾張相出黎。

但係因為我體型大的關係，本來諗住順產的媽咪開始有點動搖，加上醫院又成日滿，又無得訂順產期，所以上星期五媽咪請胡醫生先book了1月15日早上7:30開刀的期，以防萬一。媽咪宜家都十五十六應該點算，因為胡醫生話如果walk-in順產無位的話，佢會幫媽咪搵其他醫院，但如果都無位呢，就要入政府生，一向麻煩又有少許潔僻的媽咪當然打死都唔入政府醫院啦！所以佢呢幾日成日同我傾偈時問我鐘唔鐘意1月15日出世，我都有俾下反應佢，踢佢兩野，但最終都要佢自己決定想唔想開一刀啦。