我的QR Code

當年今日.今年今日

我筆下的爸爸由綠色妖怪變返似個人了.

保育參觀 - 大好き！二ッポン！

母親節禮物

除左隻碟外,其他都係我一手一腳自己做架! 媽媽最高興就係聽我一步一步解釋到點樣整呢件禮物出黎 ^^

剪髮前後

我由細個開始剪髮都係去髮型屋搞掂,但自從有一次我響髮型屋喊到痴左之後,爸爸就訂左個剪髮器返黎,由媽媽親自操刀幫我理髮,睇下,真係由個犀利哥變整齊仔架.

超大碼

Self explantory @@

下水禮!

新屋企的泳季由5月1日開始,但舊年的泳衣已經不合穿,媽媽讓我自己選擇泳衣,我就選擇了這件nemo泳衣,但嚇死我,我呢個四歲小朋友居然要著120碼先至啱...^^

又再投稿

今次係投去第二個兒童節目.

我的初次投稿

日本NHK電視台有個節目叫えいごであそぼう(Play with English),入面有個環節請小朋友投稿,我好鍾意睇個節目架,所以我叫爸爸俾紙我畫,不過仲未有刊登...

ほしぐみさん (星星班小朋友)

日本幼稚園響三月同四月放春假,玩左一個月,終於響4月18日返學,告別年少組,升班到年中組,老師話我地係大哥哥大姐姐,最開心係今年仍然係真悟先生做我班主任!

媽咪請假帶我開學,的士途中...


醒目有型的黃色名牌,年中組的地位象徵!


放學後去McDonald's...


又去PP流連...


最後爆睡...^^

數字白痴

完全無數字概念的我,有一日搭電梯見到叔叔按48樓,我地按65樓,懶叻咁同媽咪講,叔叔住得高過我地架,媽咪搲晒頭,睇返原來係因為咁...

Playroom@New Home

爸爸媽媽最後揀選由浪翠園搬去碧堤半島,除左因為想住新樓外,就係因為想俾我多D地方玩,呢個PLAYROOM確係幾精英!

蝦媽媽唔識日文之學校篇

話說三月中媽媽同我返學校開家長會.

老師發表完一年嘅感想後,由各位媽媽分享,咁當然個個媽媽都係講日文啦.

輪下輪下,差唔多到媽媽...

我: 媽咪,就黎到你啦!
媽: 係呀,講乜嘢好呢?
我: 但媽咪你唔識講日本話架喎.
媽: 係啦.
我: 咁你講廣東話啦.
媽: 但其他媽媽唔識廣東話喎,我講英文啦.
我: 好啦好啦!

(輪到媽咪發言)

我: (勁大聲,用廣東話)到你啦,到你啦,媽咪唔識講日本話!
媽: (激死,用英文講) xxxxx

(講完)

我: (當住成班大叫) 巧のママ、おもしろいね！(我媽咪係咪好有趣呢!)

(成班大笑)

媽: (激死左,居然用有趣黎形容)

蝦媽媽唔識日文之屋企篇

夜晚爸爸幫我沖完涼,擦完牙,玩一陣之後覺得肚餓,搵左塊麵包出黎食.

我:(走入廚房)
媽: mimi,你入廚房做乜嘢?
我: 食麵包,入去攞搽麵包d嘢.(我平時搽開朱古力醬)
媽: 爸爸話擦完牙唔准食甜嘢喎,你問吓爸爸先.
我: お父さん,チョコレートいい？(爸爸,朱古力得唔得?)
爸: 甘い物、ダメ！(甜嘢唔得!)
媽: 哈,爸爸話唔得喎.
我: (扭計)
爸: マーガリンはいいよう！(搽牛油就得)

(兩囝爺入左廚房,麵包搽牛油,出返廳)

我: 爸爸話食甜嘢都得喎!
媽: 幾時講呀,我聽到爸爸話唔得喎!
爸: (大笑)

爸爸爆響口同媽咪講,響廚房入面,我居然敢話媽咪唔識日文,唔知我同爸爸講乜,食甜嘢都得喎!

我的馬拉松

3月4日係學校嘅首屆馬拉松,媽媽話我居然跑到13名呢!

@MaMa Lunch

生活發表会 (2011.2.11)

為左呢個生活發表会,老師同我地練習左個幾兩個月,媽媽又要幫手淘寶表演戲服,同埋出去同其他媽媽一齊整小物做裝飾.當日我地さくら組み三個表演都超水準,我跳呢隻西蘭花舞笑到全場標眼淚,為年少班的學習作了一個完美的終結.3月中我就完成年少班了,時間飛逝呢~

紀念卡

二月份了,離開完成年少班(K1)的日子只剩一個月.家長們會製作一本紀念冊俾兩位老師,媽媽就幫我將我D大作,配合埋佢上設計堂學嘅技倆,加埋爸爸響背頁寫日文多謝語,製作左呢兩張嘢!

我的志願(四歲版)

今日開車回家的路途中見到警察開電單車,媽媽話我知警察響路上如果見到有人開快車就會截停佢同埋抄佢牌.講下講下,媽媽問我大過會唔會自己渣車...

媽: Takumi第日大過左之後會唔會自己開車呢?

我: 唔鍾意呀!

媽: 點解呀,自己渣車鍾意去邊度就邊度,好開心架喎!

我: 唔鍾意呀,因為我呢,成日撞黎撞去架,撞到要入醫院,見唔到媽咪架!

媽: 原來係咁,咁你第日大過想唔想做警察呀?好似頭先果個警察叔叔咁.

我: 唔得架,我唔做警察架!我都話我成日撞黎撞去,唔可以渣車咯!

媽: (係喎,又幾logical喎)咁你第日大個仔之後想做乜嘢呢?

我: 我乜嘢都唔識架,我做唔到架!我呢,識得瞓覺啦,食嘢啦,打機啦,睇部電腦啦,同埋坐響度架咋!

媽: (Bear一聲!笑死爸爸媽媽!) Wakakaka!!


(媽媽按:仔,媽媽都想有一份工可以淨係瞓覺啦,食嘢啦,打機啦,睇部電腦啦,同埋坐響度,Dream Job,識揀!^^)

白い可樂

我鍾意叫SPRITE(或者7-UP)做白い可樂(白色可樂).
媽媽第一次聽都R晒頭,
我講左幾次佢都GET唔到!@@
但佢諗諗下,又幾係啱喎! ^^