懶CUTE@STARBUCKS

冧媽媽

深井

早前爹地媽咪帶我到深井碧堤半島的朋友屋企開PARTY,果度好靚好大架.因為有好多地方,我又可以踩單車,玩滑梯同埋吹BUBBLES.

媽咪話我地好快會搬返深井架啦! ^^



深井的日與夜,景觀確係一流!爹地媽咪之前住浪翠園四期,就係張相最頂果三座啦,270度環迴海景,嘩!

交功課

媽媽近來頗忙,所以唔記得影低我上日文堂的功課俾你地睇,宜家補返交功課啦!

首先係蟹.

跟住係中秋節.

估你唔到,呢個作品係企鵝!

金牌.

和式書簽.

3rd Hair Cut

由於公公婆婆又強烈投訴佢地粒孫,即係我,頭髮太長,於是爹地媽咪趁今日放假又帶左MIMI去HAIR OASIS剪髮,效果不錯,公公婆婆睇完之後都滿意!

呢張係我至愛的車車剪髮椅

剪完之後成個爽晒,係咪好靚仔呢?




(媽媽按:剪完髮之後同佢影相,佢居然擺POSE俾我地影,問晒成屋都無人教過佢,都唔知MIMI響邊樹學返黎!)

A Day @ Disneyland

今朝媽媽帶我去入境處辦理香港永久居民STICKER之後,就帶我到金鐘同UNCLE STEPHEN (AIDAN爸爸)辦理車輛過戶手續,UNCLE STEPHEN話應該過幾日就可以俾車我地啦,但媽媽仍然無膽去開車,KAKAKA...

搞掂晒手續之後我地就去青衣會合婆婆,一齊去廸士尼,因為全年通行證可以免費帶多個親友去樂園玩嘛!入到場之後就落了一場大雨,亦好彩有呢場雨,氣溫下降了少許,但都濕透了成件衫...因為帶住我,我地只可以去左幾個景點,首先係THE GOLDEN MICKEYS,跟住去小小世界,因為開左之後都未入過去,然後婆婆同我去坐木馬,之後去睇米奇幻想曲,最後就去坐爛GAG船,入埋PLAZA INN(即係廸士尼美心)醫肚之後就走人.

遺忘了的奶

媽媽發現原來冰箱入面仲有兩包冰奶,不過成半年前的了,但媽媽話會繼續放響度,好似紅酒咁越耐越好,留低做個紀念! ^^

中秋夜

落平台玩.

深圳灣+濕地公園一日遊

爹地媽咪上星期日帶左我去新界北,有兩個目的:

(1) 我PASSPORT上面的居留時間只有90日,上次由日本返黎之後巳經差不多90日,要出一出境加簽90日,如果唔係就做II (ILLEGAL IMMIGRANT).果日我地去又一城食個靚法國早餐,就搭巴士去深圳灣,出左境之後即刻入返境,15分鐘搞掂.

點解我係短期居留ONLY? 因為我淨係得日本PASSPORT,媽咪又成日懶唔記得幫我去申請個HK CITIZEN STICKER落本PASSPORT度,整左之後我就可以自己出入,唔會再有居留時間的限制.(今個星期五媽咪會同我去入境處搞掂個STICKER了!)

(2) 再入境之後見咁近咪去埋濕地公園玩,嘩,果日熱到不得了,貝貝都熱到唔郁,所以我地只係響室內玩,到秋天時先至去室外跑.







唔好誤會,呢條唔係貝貝...


呢條先係貝貝:

近照

上多次明報

媽咪前兩個月有晚心血來潮將我張相EMAIL去明報HAPPYPAMA,之後都無左件事,前兩日收到明報EMAIL話會今日登,所以爹地今朝就去買左份報紙返黎.我地屋企平時唔買報紙架,因為媽咪響公司要做MEDIA MONITORING,日日都睇報紙,爹地公司就訂日文報,所以唔駛買.

My First Piano

媽媽尋日做完一個好趕的PRESS CONFERENCE,為左獎勵自己,就放工就走去行又一城,諗住買下野調劑下,點知去巡完一輪舖之後,剩係買到一條皮帶,於是就走去反斗城睇下有乜野好買...

咁我就發達啦,媽咪買左呢個琴俾我呀,雖然唔係真鋼琴,但像真度好高的!睇下我似唔一個鋼琴家? ^^