來自eeb-ee的連環圖

前排我咪去左數碼港同其他乳牛仔玩o既...Larry媽咪eeb-ee好好心機將我的大蝦細(我大Larry幾日)惡行做左連環圖...kakaaa...

仲Halloween??

萬聖節過左兩星期，但會所的Halloween裝飾仍然未拆！

爬樓梯

我學識爬好耐，宜家仲進展到爬樓梯，呢度係屋企會所個playroom，唯一一度媽媽放心俾我爬的樓梯（因為得兩級，kaka ^^）

食左ABC 學識ABC

今日媽媽現俾我試多樣新野，就係字母粉啦！

免治雞肉字母粉：

我食到一咀都係...

一櫈都係...

再搞到媽媽一褲都係...

不過我最終都食晒果兩碗粉粉！oiishii!!

宮崎蕃薯

媽媽買了宮崎蕃薯俾我食，貪佢一條條易handle。

煲熟了，好野，有得食！

好甜好好食呀！

Super Mario Galaxy

我睇緊Ｄ乜？


爸爸打緊新wii game Super Mario Galaxy呀！


Super Mario Galaxy好難玩，剩係得爸爸識玩，我同媽媽得個睇字，不過Ｄ公仔好靚，我睇得好投入呀！

今次係上報紙

媽媽今個星期一晚無聊上網時，將我的肥仔相EMAIL到明報，星期四就收到佢地通知會於今日的HappyPaMa度登，個版面同加俾我句caption都幾係夾硬...幾好笑呀！

Guess, what 'was' this?

It was a banana, but now it is "C"!!!!! >.<

大肥腿上的小針孔

上星期六爹地媽咪帶我到李醫生度補打HIB，因為我肉厚，所以唔覺痛！

海盗Takumi

我第一年過Halloween，媽咪忙住攪Party，無時間同我扮野，惟有著件Kelly姐姐送的海盗衫算了！



送多隻肥腳俾你睇！

我的機械寵物

呢隻係Emily姨姨送俾我的機械兔兔呀，佢識行又識芝芝叫，我好鍾意同佢玩架！（最鍾意就係反轉佢，等佢四腳爬爬但又唔郁得！）

乳牛@草地

爹地媽咪星期日帶我地數碼港的Pokfulam Market玩，係同我班乳牛friend一齊去Picnic.

遊記待續，因為媽媽又係好眼訓.

睇住相相先啦！

數碼港放牛

同場加映：下門牙

我8M1W時打孖長出了兩粒下門牙，媽媽一直搵唔到機會影，唯有放大張相啦！

媽媽最怕的上門牙，醞釀中！

* 媽媽按：Takumi乖，唔好學Larry咁咬媽媽的(OO)，如果唔係唔俾奶你飲！

我返晒黎啦！

食過四劑三色藥，我好返九成啦，係仲有Ｄ痰痰未清，各位唔駛擔心啦！

第一次睇大夫

我生病了，我感冒了，本來媽媽想用能醫百病的媽媽奶幫我好返，但點知今次的病菌太厲害了，令我咳得好辛苦，連甜美的聲線都變得沙啞，所以最後尋晚都去左浸會醫院睇門診。

唔知點解我去到醫院登記時極度精神，姑娘見到我對住佢地笑都話我唔似病喎，哈哈。醫生幫我聽肺時見我一團團肉又話我大件頭，佢的診斷係個肺好清，喉嚨少少發炎，感冒O者。

然後就開左三支藥水俾我，有收鼻水的檸檬味，止咳的可樂味，同埋化痰的士多啤梨味。



我食左幾次藥，訓左好多覺之後巳經好左好多啦，應該好快好返架啦！

九個月大了

我今日九個月大了，爹地媽咪買了個哈囉吉蒂蛋糕俾我，好靚呀！


媽媽話我大個仔可以試少少蛋糕啦，攞定紙碟等食先！

Happy Birthday to Me, Happy Birthday to Me, Happy Birthday to Takumi...Me, Happy Birthday to Me!! 這是我的第一口生日蛋糕！

發牙痕

媽媽今朝帶我到超級市場，佢抱住我研究Gerber同Heinz的牙仔餅，點知佢一攞盒Heniz上手時我就一手捉緊盒餅咬咬咬，媽媽本來只係想睇下成份，點知俾我一咬後濕晒，惟有攞去收銀處度俾錢啦。

咁就呃到盒餅，真好！

人生第一啖橙

媽媽都知我最好唔好可以咁快食橙，但佢地今日同爺爺嫲嫲到尖沙咀
Sushi Hiro食lunch，佢地有好野食，我就得個睇字，係人都嬲啦，所以我咪怪叫囉！

媽媽為平息民憤，於是俾舊甜橙我試味，嘩，唔試由是可，一試就上癮，原來橙橙咁好食喎！我仲用我個兩粒下門牙咬開左舊橙，嚇死媽咪...kakaka...