100日PARTY

今日終於舉行左我個100日Party，多謝...

爹地媽咪咁錫我


Uncle Auntie的禮物


同埋...

Enya姐姐的強吻！哈哈！

星期日見!!!

多謝各位Uncle Auntie 賞面，媽媽話加埋Daddy的朋友，同埋我地屋企人，有超過30人黎我個Party呀...好開心好期待呀!!!我地星期日見啦!!!

袋鼠仔Takumi

我同Takumi出街係用條baby sling的，因為阿仔越黎越大仔，以前用開的cradle hold佢開始唔係咁鐘意，因為佢比較難八卦周圍發生o既事。於是乎我試下用kangaroo，佢好like，但我怕佢條頸仔仲未夠硬，可能過多一兩個星期先咁樣出街玩啦！

相樸力士Takumi

記得嗎？呢張係二月影的...


呢張係四月影的...


留意個盆巳經換左，因為阿仔真係大左好多......連響Photoshop框住黎遮住果撻都大左好多...勁！;-P

100日PARTY

媽咪將於下星期日同我開百日PARTY呀，各位Uncles & Aunties請俾面出席呀！！

日期：2007-4-29
時間：2 pm - 4 pm
地點：曉暉花園會所

大頭蝦的媽咪可能會唔記得send invitation email俾你架，但請email/打電話俾佢等佢預下人數啦！！到時見！！

I am turning 3 today!

3? 唔係三歲，三個月O者！

爹地媽咪買了三件slice cakes慶祝我今日三個月生日，三個月三件，四個月四件......到了一歲就一個蛋糕，兩歲兩個......haha....

仲有呀，媽咪終於著手幫我攪100日party，佢會好快通知各位uncle, auntie詳情啦，記住俾面出席呀！！;-D

又開Party

爹地媽咪上星期六(4月7日)帶我到將軍澳中心同一班2007年1月出生BB開PARTY，好好玩的...不過我都訓左半場...

但我好開心可以同Mika啜啜呀...佢返去馬來西亞啦...我會好掛住佢!

睇下我到二十幾個BB張大合照幾勁呀!!搵唔搵到我呢?



係上排由右數第三個呀...隔離果個就係Mika啦!

大傷風square2

媽媽大傷風，我同媽媽關係咁密切，當然都俾佢惹到啦！
不過唔駛驚，媽媽會透過奶奶俾Ｄ抗體俾我，幫我打走Ｄ病菌嫁！

我的靚靚身型

今日媽咪同婆婆帶我去健康院打針，身體檢查結果如下：

月齡：2個月1星期
身長：61 CM
體重：6.61 KG
頭圍：39 CM

我的身長係97th percentile，體重係超過97th percentile，頭圍係50th percentile...即係話，每100個ＢＢ入面，我係身體第三個長，重量係超標，而頭仔就係中間大。醫生同姑娘都話我勁呀，仲問媽咪除左媽媽奶仲俾左乜野我食，哈哈！

「大」脾

My Milk Bank Account

點解我咁開心？


因為媽媽幫我儲了很多糧食呢！！開心過見到銀行本紅簿仔呀！！

我的女朋友

呢位美女叫做Mika，係我第一個女朋友，佢都係中日混血兒黎嫁！

減了八成的媽媽

之前媽媽嫌自己肥，死都唔肯影相，近排佢Ｄ自信心開始返埋黎，我地終於響尋日參加Auntie Jessica同Uncle Ronald的婚禮時影了呢張全家幅。媽媽雖然仲有Ｄ肥，但佢身邊果兩個仲肥（即係我同爹地），佢開心晒！

靚仔嗎？

想訓覺 (-_-)zzzzz......

第一支支樽人奶

媽媽擔心第日佢返工時我唔肯食奶樽，所以提早訓練我。佢以為我實唔慣啦，點知我食到「摺摺」聲，仲好快添，激死佢！

おにぎに君（御飯糰君）

爹地話我兩塊面脹卜卜，下巴尖尖，好似一個飯團，所以改左我的花名做おにぎに君（御飯糰君），係咪好貼切呢？XD

大吉大利

肥豬賀新歲

美男出浴，祝你「豬」圓肉潤如我！！！

(媽咪話唔會俾你地睇我的咕咕仔架！XD)

尋日滿月了！

尋日15/2我馬渡巧滿月，媽媽同婆婆帶我去健康院打針同見醫生，磅重時我有4.66KG (10 lbs 4 oz)，醫生話人奶ＢＢ來說我重得好好呀！梗係啦，媽媽好似一個屈臣氏蒸餾水機咁隨時都有供應，我只需張大個口同埋喊兩句就有得食了！幾正！

爹地尋晚仲買左蛋糕同我慶祝，不過我都係對媽媽的奶有興趣Ｄ！XD