-----V(^v^)V - 我係Takumi

2010年5月9日

Soccer@Coerver

由細到大,我最喜歡的玩具就係各種類型的波,屋企有廿幾個唔同類型唔同款式的波波.媽媽知道我最喜歡踢波,所以上網搵左好耐,終於搵到一間三歲小朋友都收的足球學校,好多足球學校都要小朋友夠五歲先可以加入.今日母親節,我地去左試堂...

教練教我雙腳輪流踏波,我一學就識.

盤球繞過雪糕筒,我都識.

射波!!

跑住穿過雪糕筒,無難度.

扭波,kaka.

爭波踢.

分隊對賽,我係背心隊.

對賽中...

你見我玩到見牙唔見眼就知,我真係好鍾意踢波架!!

又長又重

5月7日，學校身體檢查，身長100.7cm，體重15.9kg。

2010年5月8日

弁当回顧(2010.5.3-7)

由五月開始,我返學就返全日,兩點鐘先放學,所以要帶弁当回學校,12nn開餐,食完玩一陣就放學了.

媽媽每日都早幾個字起身幫我整弁便,除左5月5日爸爸幫我整左鯉魚旗弁当外,其他都係出自媽媽手筆,我每日都食到個飯盒乾乾淨淨返黎架!!

媽媽焗的麵包超人包包,仲有飯同意粉.

麵包超人火腿配飯

爸爸的兒童節弁当

粒粒飯團

粒粒飯團配動物pasta,珍寶裝飯盒

***從我的 iPhone 傳送***

2010年4月30日

SAKURA班訊

學校的班訊,老師一隻字一隻字寫,媽媽話有heart過用電腦打多多聲.

今個月影的班相,個個都"V",我就無擺pose.

媽媽要落力收集廢材俾我帶返幼稚園做手工!!

2010年4月27日

媽咪，ARI呀！

一朝早去搭巴士返學,響滿有鄉村氣息的深井,於巴士站的路邊發現一隻好大的蟻.但我淨係知呢隻叫ari,唔知係蟻,我就係咁樣睇住隻蟻,巴士就到了.

***從我的 iPhone 傳送***

2010年4月22日

學校借來的video

Shingo Sensei!

我的班主任係Shingo Sensei,返左第一日學之後我巳經同佢好friend,響屋企都講Shingo Sensei乜乜乜,Shingo Sensei物物物. 幼稚園有男老師係好特別的事,家陣係日本幼稚園有日本男仔老師,真係非常非常特別.

媽媽今日早左帶我返到學校,我換左鞋之後就拖住Shingo Sensei行黎行去,因為我真係好鍾意佢呀!! ^^

2010年4月19日

返學第一天 (2010.4.19)

今日係我第一日返學,媽媽怕我唔適應新環境同埋culture shock(!),於是請了兩個星期假送我返學同埋接我放學.媽媽接我放學時,老師話俾媽咪聽我好叻,無喊無扭計,完全大丈夫.我都同媽咪講好鍾意老師,同埋好鍾意返學,聽日都要返!

醒目仔做型

自己揹書包

返學畫畫攪到校服都係顏色

衫袖都有

最後攰得滯,響日本人俱樂部爆睡近三個鐘!!

***從我的 iPhone 傳送***

2010年4月18日

攬上身

前排出了小意外弄傷了腳,住了幾天醫院,出院後亦要包紥住腳包了兩星期...雖然傷了腳,但爸爸媽媽都繼續帶我四圍去,包括去Shirley姐姐家附近的沙灘捉蟹摸蜆...但有傷口當然唔可以落水啦,唯有...

已經收入了櫃好耐的baby sling要從出江湖,其實條sling的負重可以去到18kg,我宜家都仲係16.4kg(36lbs!)所以仲可以用.但如果你想知揹住36磅的識郁肥肉係乜感覺,你要問下媽咪了...^^

入園式 (2010.4.17)

經過入園式之後,我就正式開始我的讀書生涯,由星期一開始我就要返學了!

這位是我的櫻花班"担當"(班主任)真悟老師.

這位是我地班的"補助"(Teaching Assistant)老師.

同媽媽於校門的入園式牌匾合照.

被爸爸媽媽放了上KT6693被迫影相.

2010年4月15日

KO兒童餐

***從我的 iPhone 傳送***

2010年4月9日

Hockey

幫媽媽公司做嘢的contractor老闆叔叔送我一set曲棍球用具,我一見到就愛不釋手.媽媽話支球棍要小心攞,唔可以向上,唔可以向出,同埋唔可以打親人同埋屋企的用品.

媽媽話果位叔叔係教練,叔叔會問下有無3歲小朋友的hockey堂,有的話我就可以一邊學足球,一邊學hockey. 其實叔叔話仲可以學板球同埋欖球,不過要睇下咁細得唔得.

我的hockey pose型唔型先! ^^