-----V(^v^)V - 我係Takumi

2009年11月14日

運動會

今早我地開車去媽媽工作的大學然後就轉的士去印度遊樂會參加運動會.幼稚園的小朋友真係好犀利好活潑好健康,咁鬼凍著住件運動衫都得,媽媽期望下年睇我的表現了.

入口

不同年級的比賽,表演及親子比賽

開心

天氣乾燥,搽潤唇膏先

欣賞parachute表演

到我同爸爸"出賽",個活動名係"TOTORO NO MORI",龍貓森林 ^^

玩完仲有禮物

冧死人的寫真

2009年11月13日

運動會便當

媽媽初試啼聲,但好多花臣嘢都趕唔切買,今次整住個唔夠浮誇的便當先,遲d返日本時買盡所有便當用具先幫我整靚靚便當返學!

2009年10月25日

碌ling記

冒險樂園的保齡球我巳經碌到悶,今日大契媽黎接我放playgroup,然後我地去南華會...碌ling,kakaa...
契媽話我地居然去全港最pro的ling場倒亂 ^^

各位觀眾,睇住我點碌...

我一個三十幾磅的人仔,當然可以徒手舉起一個八磅的保齡球啦,大契媽你駛乜担心!!

2009年10月21日

星期六未夠九點爸爸就開車車我同媽媽去跑馬地見老師.

泊好車後我地行左一小段斜路先到學校,雖然我今次係第二次去學校,但一到學校巳經好熟悉環境,自己跑去遊戲室同其他小朋友及老師玩.

玩了一陣之後,老師就請我地去二樓見另外兩位老師,老師問我叫乜嘢名,我無答;老師問我本書上面果隻係乜,我又無答;老師俾幾張手工紙我,我識講arigatou;老師問手工紙係乜嘢顏色,我都俾面答.然後,老師同爸爸傾偈,問我地屋企對我有乜期望,爸爸話想我可以流暢使用廣東話同日文,同埋開開心心過學校生活.佢地一路傾偈時,我同媽媽講要去厠所,去完厠所我又返課室搵玩具玩,kakaa...跟住老師巳經叫我地去隔離課室訂校服同埋辦理入學手續...即係收左lu!

kaka,如果我去香港的幼稚園面試咁攪法,一早俾人叮左出門口啦! ^^

下年四月一日返學了!

好友

握握手,做個好朋友,
攬攬身,好似糖黐豆. ^^

2009年10月9日

小巧手

媽媽讀了AMY-EE為RAFAEL寫的BLOG,忽然記得有幾張相影了在手機,想放上BLOG,但又一直未做...是我第一次用ANPANMAN鉸剪剪紙呀.

當時係2008.12 --- 媽媽,會唔會耐左D呀!!!

(媽媽按:謝謝AMY的BLOG提醒了我,如果唔係呢D相遲早都唔見左,讓MIMI失去了一小段的歷史)

面接

面接者，面試也.

10月17日(星期六)是我到幼稚園面試之日，面試時間為早上10時.

雖然說是面試，但爸爸媽媽沒有特別訓練我要講些甚麼，做些甚麼.

一來因為這是一所日人學校，理論上我一定會入到去讀書；另一方面是因為爸爸媽媽知道，最自然的表現可以令老師知道我最真的一面。

學校是學習的地方，如果我入學之前甚麼也學會，甚麼也學懂，我讀書來做甚麼呢? 讓老師看到我的性格，看到我的長處和短處，將來可以因材施教，這才是面試的真正意義。

當然，更重要的是面試讓爸爸媽媽明白幼椎園希望家長可以合作的地方，特別是在日人學校，親子活動一籮籮，媽媽要親手做的愛心袋袋等等亦一籮籮，媽媽要開始練習縫紉及整便當了! ^^

我的學校：帝京香港幼稚園