日文堂的手工

媽媽忘記將我上兩堂做的手工擺上黎,一幅係西瓜,一幅係雪糕,請欣賞!

打針針

尋日我地無上日文班同埋GYMBOREE,因為媽媽要響屋企睇完中國女排銅牌戰先肯走,加上我又有幾聲咳,費事傳染俾其他小朋友.

但係我地都有出街,就係去左謝醫生度打針針,因為我仲差一支肺炎鏈球菌針未打.

上到謝醫生度,有幾個小朋友響度等緊,我咪去搵玩具玩,但響等的過程中,我做左幾樣令爹地媽咪好開心的事:

(1) 有個BABY肚餓但未有房仔俾佢食媽媽奶,我見佢喊得咁慘,就攞自己的餅仔去俾佢食,當然佢唔食得啦,因為佢得個半月大啫;

(2) 有個細我少少的小朋友入到診所度就喊,我見佢流晒眼淚,就攞媽咪本來俾我抺咀的紙巾幫佢抺眼淚,佢見我幫佢抺眼淚,即刻唔喊添呀!

(3) 媽媽奶BB的爹地響度等BABY食奶奶時,叫我請佢食塊餅,我當然慷慨請佢食,仲想隊埋落佢個口度添呀

(4) 仲有一個大哥哥係咁同我講英文,我知佢講乜架,不過我唔識講,佢指果度我又指果度,佢叫我坐果邊,我就叫返佢坐呢邊,咁就玩左好耐

(5) 去掉垃圾時,試左幾次就學識一邊踩住個開關掣,一邊快快手掉左件垃圾入去,今次係手腳同眼的協調...

姑娘都同媽咪講呢個小朋友真係活潑,媽咪都好開心我好似發展到少少同情心加同埋心!

近照

我巳經唔再係一個BABY,我係一個小朋友了!

曉暉花園的鳥巢

會所姐姐哥哥整的鳥巢,係咪好爆笑呢?

我的攝影展

爹地媽咪俾左部好耐之前的SONY CYBER SHOT俾我當玩具玩,睇下我影的相同你地大人影的相有乜野唔同?

0701乳牛歲半PARTY

今次我有十個乳牛仔FRIEND黎屋企會所開PARTY,又玩又食又飲又畫又抽獎,我愛開P!
(最高興係大契媽今次都移玉步黎開PARTY添!)

估到話你叻!

估下今堂日文堂我做乜野手工??

.
.
.
.
.
.
.
.
.
開估啦,係條魚仔黎架,唔講都無人知呀!! ^^

X for Xylophone

媽媽響QQ CLUB附近的精品店買俾我的麵包超人鋼片琴,又靚又好聽又好玩! ^^

Singing in the Rain

呢幾堂的GYMBOREE都係上BROADWAY MUSIC,我地唱SINGING IN THE RAIN時,老師就派俾我地每人一把遮,我地就咁舉住佢唱歌,好好玩架!





I'm singing in the rain
Just singing in the rain
What a glorious feelin'
I'm happy again
I'm laught at clouds
So dark up above
THe sun's in my heart
And I'm ready for love
Let the stormy clouds chase
Everyone from the place
COme on with the rain
I've a smile on my face
I walk down the lane
With a happy refrain
Just singin'
Singin' in the rain

Gymboree Theatre

玫瑰疹

玫瑰疹,好一個浪漫的名字,但配上我呢個唔係俊男的身上,化學反應嚇到你唔信...

星期日我俾爹地一朝早捉去會所遊水,然後就去左apm玩,夜晚同公公婆婆舅公舅婆食晚飯.食晚飯期間巳經有d唔妥,未食完就排響爹地度訓著.到半夜就賴野,發燒,都幾高燒下,媽咪就同我沖暖水涼降溫.第二日響婆婆度勁扭計,夜晚媽咪返黎就同我去睇浸會睇醫生,姑娘話我燒到膨膨聲,但醫院無床位,所以媽咪就帶我返屋企mon住我個情況.半夜都係高燒,媽咪俾我食退高燒的藥水,之後就好返好多.第三日仲有低燒,不過我巳經扎扎跳.

跟住星期四晚爹地同我沖涼,發現成身都出左紅疹,媽咪可以好肯定係浪漫的玫瑰疹了.上網查資料,玫瑰疹出完幾日就會好返,唔痕唔痛,係樣衰d啫...其實真係幾醜樣,媽咪話我成個林嘉華咁...

(以下圖片可能令人情緒不安,敬請留意!)

暴風雨中的帆船

我馬渡巧的最新力作,請細心欣賞!

Indoor Surfing!

玩水

與MIKA共舞

MIKA回港打針,媽媽帶我去ELEMENTS同佢玩,話晒我地都係半中半日,WARM UP左之後就開始玩熟啦,仲一齊黎PART舞添!

訓街

當其他媽媽見到我訓響高貴商場的雲石地下時,一定會驚叫,小朋友,污糟呀,快D起返身去洗手啦!

但我媽媽不會,不會驚叫,不會叫我起身,不會強行拉我起來,不會即刻拿出濕巾將我整個抺污淨.

她只會說,仔呀,個地下涼唔涼呀?扒響度距離地面只有十數厘米看到的東西是怎樣的呢?抺地呀?抹乾淨D喎...

媽媽任我自由自在地闖走跑訓叫...高貴的商場都變成我的開心遊樂場!

蟹

無面牛郎織女

因為臨近七夕,媽媽幫我著上甚平到GYMBOREE同埋QQCLUB上堂,應下節嘛.而今個星期的手工真係有關七夕,係牛郎同織女響天上相會的情況.你睇下我整的牛郎同織女,無眼耳口鼻,但有大花面...KAKAKAA....我幫佢地畫完大花面仲高興得拍手大叫好野!



(媽媽按:事實證明爸爸的放任政策比我開放得多,我估老師見到都呆左...)

第二次理髮

今次我無訓覺,坐定定俾哥哥剪頭髮,哥哥都讚我坐定定唔怕又唔喊,好乖呀!

Music Class @ Gymboree

我地呢兩個星期學SURF MUSIC! 好好玩架!

螢 (ほたる)

之前媽咪UPLOAD左呢張相,可能你地都打晒問號問呢張乜鬼野黎...

其實係一隻螢火蟲黎架!日本GRANDMA睇電視話屋企附近個山上面有個地方好多螢火蟲,所以漏夜都開車車我地去,因為佢想我呢個CITY BOY可以睇下乜野叫做螢火蟲.我地上左山之後搵左一陣都見唔到,於是GRANDMA就問住響果度D人,原來夜晚6點鐘到先至最多螢火蟲架,我地上到山都巳經八點幾九點了!我地再開車搵多陣,就發現左響一條河仔附近有少少螢火蟲,點知好黑爹地影唔到,剩係影到呢隻飛左出黎同我地打招呼的HOTARU,我仲掂左佢一下添.影完相之後GRANDMA就放返佢返去D朋友隻度了!

媽媽話佢都係第一次見螢火蟲呀!

青蛙(かえる)

爹地上星期六同我一齊上日文堂,媽咪就響課室出面睇書睇左成個半鐘,不過佢有時都響課室個玻璃窗度偷望我,我見到佢都同佢甜笑架!

呢幅係今堂的手工,兩隻青蛙黎架,係爹地陪我一齊完成,不過有隻青蛙隻腳唔知去左邊.同班果度仲有三四個小朋友,其中一個小朋友的爹地係香港人,媽咪係日本人.日本人媽咪見到我爹地係佢的鄉里,都同佢傾下偈,老師就同爹地講我真係一個活潑的小朋友,因為我無時定架!




上完日文堂之後我仲係好精神,所以爹地媽咪帶我去上TEACHER PAYNE的MUSIC CLASS,我地今堂學來自JAMAICA的REGGAE,我地又唱又跳又玩樂器,好開心架! 就係因為太投入,爹地玩到唔記得幫我影相添!下堂補返俾你地睇!