下水禮

上星期日終於行了今年的下水禮,媽媽由屋企度偷影到我同爸爸...

MIMI整餅

前排整過COOKIES,今次做CUP CAKES!出自我自己雙手的食物,味道寧舍不同!

七夕

咁快又一年,又到七夕了!

今日我地去日人俱樂部食飯,因為臨近七夕,所以放了一些紙俾我地呢D咁乖的小朋友許願...我許左乜嘢願望?睇得明話你叻,睇唔明我都唔會話你知! :)






(媽媽按:我見到畫了一個笑臉,希望MIMI可以好似呢幅圖畫咁一直開開心心!)

母乳溝腐乳

母乳者,我由出世起吃了20個月的食糧...



腐乳者,發酵了的豆腐,我從來都未食過...



唔係唔係咁核突用母乳溝腐乳,其實係想講

母語,父語

媽媽的母語係廣東話,所以佢大多數只同我用廣東話講嘢,
我好自然地,只會用廣東話同媽媽傾偈.

爸爸的母語係日文,所以佢只會用日文黎同我講嘢,
我好自然地,只會用日文同爸爸傾偈.

這個朝早...

(我拿著麵包超人蔬果汁,背面的公仔係dokin-chan細過時候的樣,係隻貓仔)

我: 媽咪,dokin-chan,貓貓o既?
媽咪:係喎,dokin-chan BB細過的時候係貓仔黎架喎...

(見到爸爸)

我: otousan,dokin-chan, neko yo!
爸爸: souyou...neko desuyo!

我係中日MIX BB,名菜係母語溝父語!

做人要有禮

個個都話我係一個有禮貌的BB :

(屋企樓下)

管理員:早晨
我:叔叔早晨,我去街啦,BYE BYE

管理員:(幫我地開門)你好!
我:我返黎啦!BYE BYE!

(有人上門SELL有線)

SALES:HELLO,你地好呀!
我:HELLO!
SALES:想通知你地我地公司台慶...BLA BLA BLA...
公公:唔駛啦!
我:唔駛啦,唔該!
SALES:打搞晒.
我:BYE BYE!

(婆婆屋企)

婆婆俾餅餅俾我--

婆婆:點講先.
我:唔該多謝婆婆,俾餅餅俾BB食.

公公俾湯俾我--

公公:飲湯湯
我:唔該公公!
公公:乖!

公公俾湯俾媽咪--

媽:...(無出聲)
我:媽咪,講啦!
媽:講乜嘢?
我:講"唔該公公呀!"
媽+公公:(笑死)
我:快D啦
媽:唔該公公
我:係啦!

益力多

話說媽媽開了一支益力多,
飲左一啖之後就放左響個櫃面度.
我當然一眼就見到,
即刻攞上手就飲啦.

媽:MIMI,呢支益力多係媽咪架喎
我:唔係,BB架
媽:唔係,媽咪架

(我當然唔理,飲多啖)

媽:MIMI飲左,媽咪無得飲...
我:(猶豫了一會,俾返媽咪)媽咪飲啦!
媽:媽咪飲左,MIMI無得飲架喎
我:唔...一齊飲呀!
媽:(笑死)

鯉魚旗

遲左少少POST上黎,呢支係代表爸爸,媽媽,同埋我的鯉魚旗呀!
我地將佢放左響露台,呢排好大風,我地支鯉魚旗被風吹到郁得好活潑呀!

瑜珈!?

係咪好似好PRO的瑜珈招式呢?

其實只係MUSIC CLASS時唱WELCOME SONG的POSE! ^^

KODOMO CLUB

爸爸幫我安排左尋日星期六朝早去一間叫做KODOMO CLUB的學校試堂,呢間係專俾日本人小朋友上堂的學校,類似PLAYGROUP,但又俾PLAYGROUP多少少嘢.因為我巳經兩歲半了,上堂時唔駛大人陪,我自己就好乖乖咁上左個半鐘頭堂,同老師唱歌,做手工,聽故事,同其他小朋友玩,學數字同平假名.

完堂之前,好似響日本的幼稚園咁,老師會請所有家長坐低響度,聽老師講解今堂學D乜同埋返到屋企要做D乜,派發我地響堂上功課,好有交帶的...

但呢間學校好多小朋友想讀星期六班,我宜家都係排WAITING LIST,唔知幾時可以返學呢? :)

一切從我的眼睛出發

各位,你地響呢張相睇到乜嘢?



爸爸個名?
恒生保險?
聲名條款?

NO NO NO!



話說爸爸媽媽星期六去左銀行,本來只係要換過媽媽張提款卡,但俾哥哥介紹之後又做多一份小型投資,響哥哥同爸爸媽媽介紹之際,佢唔知點解要圈住恒生保險幾個字,仲整左個箭咀物體響度.我一見到就...

我:NINJIN NINJIN
爸:NANI?
我:NINJIN NINJIN YO
爸:...
媽:噢,NINJIN, 係喎,NINJIN喎!

淨係得媽媽一個知道我講乜,我話哥哥畫左一條NINJIN(人蔘),
即係紅蘿蔔出黎呀!!! ^^

參觀帝京香港幼稚園

比起上次去睇紅磡的幼稚園,
我地三個人都比較喜歡呢間,

(1)面積大D,活動空間大D
(2)完全係傳統日本幼稚園的SETTING
(3)老師全部都係日本人,教授日本文化
(4)園長好鬼有型(媽媽話的)

但頭痛的是交通問題,因為間幼稚園響跑馬地成和道,
校車只去日人聚居的地方,
早上媽媽可以車我去紅磡上校車,
但放學可以要搵第二架校車去觀塘婆婆度,
舟居勞頓唔少得架啦,
但都要鍛鍊下我架啦! :)

自家制TAKOYAKI (鱆魚丸)

我都有份幫手架,你地黎我屋企我就燒俾你地食!

我的TATAMI房間

上次我地返日本時,買了幾張TATAMI回來,
因為爸爸媽媽知道如果俾我自己訓床的話,
我一定晚晚跌落地.
宜家我響TATAMI上玩又得,睇書又得,訓覺又得,
爸爸話佢細個時都係咁的!

去沙灘

陽光普照的一天,爸爸媽媽帶我開車到黃金海岸食飯同埋玩.
媽媽第一份工就係響呢間酒店做市場傳訊,
做左兩年,暫時係佢做嘢以來做得最耐果份工:P,
因為太熱,我扭計要跑唔肯行,
最後去到沙灘,第一次正式踩沙,
D沙好粗呀,好拮腳呀,好驚呀!

TOILET TRAINING

基本上我巳經大致控制到自己去大大同小小,但當然仲有失手的時候啦!

投降,舉手

如果唔係就噴BUBBLES俾你!!

自問自答

(牀上,準備訓)

Takumi : 落地好唔好呀...好呀!

接著,自行落地跑出客廳.

(餐枱上,用餐)

Takumi : 飲飲得唔得呀...得呀!

接著,拿著媽媽的無糖少冰好立克勁啜.

(電視機影碟機前)

Takumi : 睇ELMO呀...好呀!

接著,按開關制,將影碟放進影碟機中.

新居

近來媽媽無時間UPDATE個BLOG,除左係因為做演唱會外,亦因為我地要準備搬屋了!

媽媽話以我地的BUDGET,絕對無可能可以住到好似深井呢度咁樣質素的樓,所以遠就遠D啦,我地要搬返深井啦! (搬返:其實當我仲響媽媽個肚度時,我其實住響深井架!)

在我自己的房間裡酣睡...

爸爸最鍾意的海景...

由露台望出去的日...

與夜...